QISHLOQ XO‘JALIGINI TRANSFORMATSIYA QILISH – QISHLOQ XO‘JALIGI VAZIRLIGI VA FAONING QO‘SHMA LOYIHASI
- 2 106
- 08.05.2026 17:09
2023-yilning 1-2-mart kunlari Toshkent shahrida “Qishloq xo‘jaligini raqamli transformatsiya qilish uchun tuproqni tayyorlash” milliy loyihasi doirasida seminar bo‘lib o‘tmoqda. Ushbu loyiha – O‘zbekiston Respublikasi Qishloq xo‘jaligi vazirligi hamda BMTning Oziq-ovqat va qishloq xo‘jaligi tashkiloti (FAO) hamkorligida amalga oshirilmoqda.
“O‘zbekiston qishloq xo‘jaligini bilim, innovatsiyalar va raqamlashtirish orqali o‘zgartirish” mavzusida o‘tkazilgan seminarda Qishloq xo‘jaligi vaziri maslahatchisi, Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi (ISCAD) direktori Alisher Shukurov va vazirlik mas’ul xodimlari, Oziq-ovqat va qishloq xo‘jaligi tashkiloti (FAO) ning O‘zbekistondagi vakili o‘rinbosari Sherzod Umarov va FAO mutaxassislari, qishloq xo‘jaligi sohasidagi milliy va xalqaro ekspertlar, ommaviy axborot vositalari vakillari ishtirok etdi.
O‘tkazilayotgan seminar ishtirokchilarga yurtimiz qishloq xo‘jaligidagi innovatsiyalar, agrar sohani raqamlashtirish borasida olib borilayotgan samarali ishlarning bugungi holati bilan yaqindan tanishish va boshqa mamlakatlar tajribasidan foydalanish imkonini beradi.
Seminardan ko‘zlangan maqsad O‘zbekiston Respublikasi Qishloq xo‘jaligi vazirligi va FAOning bilim, innovatsiyalar va raqamlashtirish bo‘yicha loyihasini rasmiy ishga tushirishdan iborat.
Ikki sessiyadan iborat boʻlgan seminarning birinchi kuni Oʻzbekiston uchun qishloq xoʻjaligi bilimlari va innovatsiyalar tizimining milliy muvofiqlashtiruvchi platformasini ishga tushirishga bagʻishlandi. Ishtirokchilar ushbu mavzu bo‘yicha o‘z taqdimotlarini taqdim etdilar.
– Qishloq xo‘jaligida olib borilayotgan islohotlar va izlanishlar shuni ko‘rsatmoqdaki, sohani innovatsiyalarsiz, bilimlarsiz rivojlantirish mumkin emas. Buni qator keng ko‘lamli tahlillar va tadqiqotlar tasdiqlaydi. Bilim va innovatsiyalar tizimi xalqaro moliya institutlari va xalqaro tashkilotlar bilan hamkorligimizning ajralmas qismidir, – dedi Alisher Shukurov o‘z nutqida.
Qishloq xo’jaligi innovatsiyasi bozorga kirish, kredit yoki maslahat xizmatlaridan mahsulot marketingigacha bo’lgan turli xil ijtimoiy, tashkiliy yoki institutsional jarayonlarni o’z ichiga oladi.
2020-2030-yillarda O‘zbekiston Respublikasi qishloq xo‘jaligini rivojlantirishning Milliy strategiyasiga muvofiq O‘zbekiston agro-oziq-ovqat bilimlari va innovatsion tizimi (AKIS) integratsiyalashgan yaxlit tizimni rivojlantirish uchun ko‘maklashishga qaratilgan.
“Daladan dasturxongacha” maqsadli agro-oziq-ovqat qiymat zanjirlarining joriy va kelajakdagi talablari va ehtiyojlariga javob beradigan xizmatlarni rivojlantirish kerak.
Seminarning birinchi kunida ishtirokchilar
- qishloq xo’jaligi bilimlari va innovatsion xizmatlarni rivojlantirishning borishi va rejalari bo’yicha yangiliklardan xabardor bo‘lish;
- qishloq xo‘jaligi bilimlari va innovatsion xizmatlarni qo‘llab-quvvatlash bo‘yicha o‘tgan va amaldagi loyihalarni amalga oshirish jarayonida amaliy tajriba va malaka almashish;
- agro-oziq-ovqat sohasidagi ilmiy-tadqiqot, taʼlim va maslahat xizmatlarini rivojlantirishni qoʻllab-quvvatlash boʻyicha ishchi guruhlarni tashkil etish imkoniyatiga ega bo‘ldilar.
Blog
- 16.04.2026 05:05
2023-yil 26-yanvar kuni Qirg‘iz Respublikasi Bishkek shahrida “O‘zbekiston—Qirg‘iziston” biznes-forumi bo‘lib o‘tmoqda. Forum O‘zbekiston Respublikasi Prezidentining Qirg‘iz Respublikasiga tashrifi arafasida o‘tkazilmoqda. Tadbirda ikki davlat rasmiylari ishtirok etmoqda. O‘zbekiston Respublikasi ...
- 11.04.2026 09:57
O‘zbekiston “Agrosanoat sohasida kooperatsiya va hamkorlik imkoniyatlari” mavzusida xalqaro konferensiya o‘tkazishni taklif qildi. Bu haqda seshanba kuni Toshkentda boshlangan ShHT ikkinchi iqtisodiy forumi doirasida Sputnik muxbiri xabar berdi. Ma’lumki, mazkur tadbir doirasida qishloq xo‘jali ...
- 24.04.2026 22:43
🔰Bugun, 24-noyabr kuni Toshkentda O‘zbekiston Respublikasida ilk marta o‘tkaziladigan qishloq xo‘jaligi sohasida ro‘yxatdan o‘tkazishning istiqboldagi rejalari muhokamasiga bag‘ishlangan davra suhbati bo‘lib o‘tdi. Tadbirda Birlashgan Millatlar Tashkilotining Oziq-ovqat va qishloq xo‘jaligi ta ...
- 11.04.2026 20:10
Qishloq xo‘jaligi ishlab chiqaruvchilari paxta va g‘allani suvni tejaydigan sug‘orish sharti bilan qayta tiklanadigan energiya qurilmalari va ko‘chma elektr generatorlarini sotib olish xarajatlarining bir qismi uchun kompensatsiya oladilar. Hukumat qarori bilan sug‘oriladigan qishloq xo‘jaligi ye ...
- 07.05.2026 12:57
Bahor eshik qoqmoqda. Bu iborani turli soha vakillari o‘z talqinida tushunishi bor gap. Ammo qishloq xo‘jaligi uchun har bir kun bu – imkoniyatlarni to‘g‘ri safarbar qilish va hosil yetishitirishdagi yangiliklarni o‘z vaqtida joriy etish bilan asoslantiriladi. Demak, bahoriy yumushlarga ayni kun ...
- 12.04.2026 22:09
Bugungi kunda O‘zbekiston Respublikasi Qishloq xo‘jaligi vazirligi tomonidan respublikada asosiy turdagi oziq-ovqat mahsulotlari safiga kiruvchi kartoshka narxining barqarorligini taʼminlash, ichki talabni to‘liq qondirish bo‘yicha bir qator ishlar olib borilmoqda. 2022-yil hosili uchun barcha to ...