Qidiruv natijalari (0) Barcha mahsulotlar
    Bo'limlar

      G‘O‘ZA PARVARISHIDA HOSILGA HOSIL QO‘SHISH MAQSADIDA “DOLZARB 30 KUNLIK” TADBIRLARI

      • 269
      • 02.10.2022 01:52

      Maʼlumki, 2022-yil 27-iyul kuni O‘zbekiston Respublikasi Prezidenti tomonidan paxtachilikdagi dolzarb vazifalar muhokamasiga bag‘ishlangan yig‘ilish o‘tkazildi. Unda hududlarda g‘o‘za parvarishidagi mavjud xato va kamchiliklarni o‘z vaqtida bartaraf etish, so‘nggi kunlarda kuzatilayotgan anomal issiq haroratning g‘o‘zaga salbiy taʼsirini yumshatish, yaratilgan hosilni saqlab qolish maqsadida hosilga hosil qo‘shish uchun “Dolzarb 30 kunlik” eʼlon qilindi.

      Ushbu oylik doirasida g‘o‘za parvarishida quyidagi agrotexnik tadbirlarni amalga oshirish muhim hisoblanadi:

      Birinchidan, mavjud kultivatorlarni to‘liq ishga jalb qilgan holda, har bir sug‘orishdan keyin tuproq yetilishi bilan kultivatorlarni “baliq sirti” qilib o‘rab, himoya obtekatellarini o‘rnatgan holda, ertalab va kechki soatlarda kesak hosil qilmasdan mayin nam kultivatsiya qilishni yo‘lga qo‘yiladi.

      Ikkinchidan, g‘o‘zaga stimulyatorlar va mikrobiologik o‘g‘itlar bilan ishlov berish uchun mavjud barcha purkagichlar kechki soat 19:00 dan keyin ertalab 7:00 gacha ishlashi tizimli tashkil etiladi.

      Uchinchidan, viloyat va tumanlarda barcha texnikalar tizimli ravishda mahalliy o‘g‘it jamg‘arish va fekal chiqarishga safarbar qilinadi.

      Hududlardagi mahalliy o‘g‘itlar sug‘orilayotgan dala maydonlariga olib chiqishi tizimli tashkil qilinadi.

      To‘rtinchidan, g‘o‘zani sug‘orishda suvchilar soni 2-3 martaga oshiriladi, ularga dalada barcha sharoitlar yaratilib, tungi sug‘orishga alohida eʼtibor qaratiladi.

      Sug‘orilayotgan har bir maydon, albatta, sharbat usulida sug‘orilishi, sug‘orishni qisqa o‘q ariqlardan foydalangan holda hamda mavjud egiluvchan quvurlar orqali amalga oshirish yo‘lga qo‘yiladi.

      Xususan, kam suv bilan, tez-tez suvni ko‘llatmasdan, imkon qadar taktli usul bilan jildiratib sug‘orish amalga oshiriladi.

      Shuningdek, paxta maydonlarida egat oralatib yengil sug‘orish natijasida, qisqa muddatlarda peshma-pesh barcha paykallar namlab olinadi.

      Dalada suvni uzoq oqizib va zovurga tashlab qo‘yish qatʼiy nazoratga olinadi.

      Beshinchidan, joylarda suvni to‘g‘ri taqsimlash va monitoring qilish “shtablari” tashkil etiladi va mavjud suvdan samarali foydalanish tizimi yo‘lga qo‘yiladi.

      Suv oldindan rejalashtirilgan va tasdiqlangan grafiklar asosida g‘o‘za, takroriy ekin va tomorqalarga o‘z vaqtida yetkazilishi uchun suv shtablarining shaxsan javobgarligi oshiriladi.

      Oltinchidan, g‘o‘zani zararkunandalardan himoya qilish bo‘yicha uyg‘unlashgan kurash choralari ko‘riladi.

      G‘o‘za maydonlariga har 2 gektarga 1 donadan yangi feromon tutqich o‘rnatib va ko‘sak qurti kapalaklari tuxumiga qarshi gektariga 1-1,5 grammdan trixogramma biomahsulotini kechki salqinda tarqatish yo‘lga qo‘yiladi.

      Ko‘sak qurti tuxum qo‘ygan maydonlar alohida nazoratga olinib, 100 tup g‘o‘zaga 5-6 dona ko‘sak qurti lichinkasi to‘g‘ri kelgan holatda tavsiya etilgan kimyoviy preparatlar va kam tarqalgan maydonlarda brakon entomofagi gektariga 1000-2000 donadan tarqatiladi.

      Har 100 tup g‘o‘zada 20 tadan 30 tagacha qandala tarqalgan maydonlarda ichdan va sirtdan taʼsir etuvchi preparatlar bilan kimyoviy ishlov berish yo‘lga qo‘yiladi.

      G‘o‘za maydonlarida o‘rgimchakkanaga qarshi maxsus akaritsidlar bilan 3 marta har 6-7 kun oralatib suv bilan yuvish tashkil etiladi.

      Yettinchidan, g‘o‘za maydonlarida yalpi chekankani to‘liq yakunlash choralari ko‘riladi.

      G‘o‘zani ko‘saklash fazasida gektariga 90 grammdan o‘simlik o‘sishini boshqaruvchi mepikvat-xlorid asosli (Sojean, Entojean, Ximjean) regulyatorlar bilan ishlov beriladi.

       

      Agromaslahatlar

      • 17.08.2022 11:33
      Baqlajon navlari

       Baqlajon navlari ikki guruhga bo'linadi: ekologik va geografik: sharqiy va g'arbiy. Sharqiy guruhning navlari qisqa bo'yli, mo'l-ko'l o'sishi, mayda barglari, kesilmagan qirralari, quyuq yashil, to'q binafsha barglari bilan ajralib turadi. Mevalari mayda, o'rta bo'yli, zaharli, sharsimon, to'q b ...

      • 17.08.2022 10:18
      Kartofel - ekishdan hosil olgungacha

      Kartoshkaning normal o'sishi va rivojlanishi uchun tuproqda 26 turli xil kimyoviy elementlarning mavjudligi kerak. Biroq, ko'pchilik agroklimatik zonalarda oltita asosiy makro elementlarning etishmasligi mavjud: azot, fosfor, kaliy, kaltsiy, oltingugurt va magniy. Uni to'ldirish uchun rejalashtir ...

      • 16.08.2022 14:57
      Amerika oq kapalagining zarari

      Amerikalik oq kapalakning kelib chiqishi Shimoliy Amerikadan, ya'ni Kanadadan Meksikaning Sharqiy qirg'og'iga cho'zilgan. Kapalak ayol jinsiy hamkorni topish va tuxumni kechiktirish uchun 250 m masofaga uchishi mumkin, shuningdek, havo oqimi bilan qisqa masofani bosib o'tishi mumkin. Bu hasharotl ...

      • 17.08.2022 11:47
      Echki parvarishi: saqlash va oziqlantirish xususiyatlari

        Tug'ilgandan keyin bolalar onasi bilan qolishi yoki alohida saqlanishi mumkin. Qanday bo'lmasin, ular tug'ilgandan so'ng darhol (yarim soatdan kechiktirmasdan) ona sutini sinab ko'rishlari kerak. Dastlabki uch kun ichida bu sut (og'iz suti) eng katta qiymatga ega bo'lib, bolalarni yaxshi immuni ...

      • 17.08.2022 08:46
      Yosh tokzorlarni parvarishlash bo'yicha tavsiyalar

      Ko'chatlarning saqlanishi va rivojlanishi, ularning mevaga kirishi, kelajakdagi hosil va uning sifati yosh tokzorni parvarish qilishga bog'liq. Yovvoyi o'tlarning shakllanishiga, begona o'tlarning o'sishiga yo'l qo'ymaslik kerak. Uzumni ko'chirib o'tkazgandan keyingi birinchi yilda ularning ildiz ...

      • 17.08.2022 12:12
      G‘O‘ZA PARVARISHIDA HOSILGA HOSIL QO‘SHISH MAQSADIDA “DOLZARB 30 KUNLIK” TADBIRLARI

      Maʼlumki, 2022-yil 27-iyul kuni O‘zbekiston Respublikasi Prezidenti tomonidan paxtachilikdagi dolzarb vazifalar muhokamasiga bag‘ishlangan yig‘ilish o‘tkazildi. Unda hududlarda g‘o‘za parvarishidagi mavjud xato va kamchiliklarni o‘z vaqtida bartaraf etish, so‘nggi kunlarda kuzatilayotgan anomal i ...